أزلتم عتابَ قلبِي ..

بالأمس وَ ماقبل الأمس كانَ لِي رحله مع قلبِي = )

"حينَ تحمل عتاباً لشخصٍ مّا أو يراودكُ ذاكَ الشعور بنسيانَه لا تفعل ..!
أجل ؛ "
تمّ تخرجي وبحمد لله وبمعدلٍ جيد بالنسبه لِي يبدو هكذا :\ ، لم أكنُ أفكر بأني سأستقبل التبريكات والتهاني محملةً بالهدايا أو حتى بـ " مسج " أو " مكالمه " ،لكني في الحقيقه أستقبلتُها إلى درجة البكاء والإحساس بالذنب تجاه بعض من قدموا لِي هديّه ..

وخلوني أتكلم بـ العامّي لإن الجو الكتابي هالأيام صاير عامّي ..

أمس جاتنا وحده تقرب لنا من السفر ، هذي الحبيبه قاسيه نوعاً ما ، ولآتتقبل النقد أياً كانَ نوعه مثلاً لو قلت له : يوووه سمنتي عن أول ، وززززطع وتلقى نفسك محشوق حشقه مع كلمات غريبه عجيبه = ) ، بصراحَه كنت أحسها إنسانه جارحَه يعني هي فعلاً تجرح بس لو إني اترك الحساسيه عنّي شوي : \ ، حبيبتي هذه ، وَ

حينَ جائت جائت ومعها ذاكَ الإحساس بأننا غالباً مانتجاهل الجانب الإيجابي من الشخص ونلقي اللوم على الجانب المظلم ، جات ومعاها هديّه لِي ، و بصراحه " أكثر من الأولى ؛ ) " جاني الصياح كنت فعلاً أبي أصيح خصوصاً إني ماجا على بالي أبداً إني بتجيني هدايا ممكن لإني تقبلت الآمِي بعدم قبول القسم اللي أبيه لِي وممكن لإني ماحصلت نسبه عاليه جداً عشان تجيني هدايا كبيره بحجم النسبه = )

كانت الهديه مفاجئه لِي و عاتبه لِي و نادمه علي ، وأكثر منها مابداخل الهديه ، كان عباره عن لآب توب "DELL" أحمر ، والله ذيك الساعَه مادري شقول ؟ ...
عطونِي كلآم الله يعافيكم =\

أممممْ ..
وَ بما إني مريت بهالتجربه اللي كانت قاسيه لِي نوعاً ما ، تعلمت الكثير سواءً من الأشخاص أو من الأقدار أو من التخرج = )

بالنسبه لـِ الأشخاص :

المثل يقول : " من الإكبار أن تجد الأعذار للآخرين " ..
نحاول وبقدر المستطاع أن نحسن الظنّ بالأشخاص حتى لو كآن المصابُ كبير = ) ، لإننا كُلنا كـ القمر فيه جانب مظلم وجانب مضيء ، فلو تخلينا عن الجانب المضيء وأشعلنا سيل التهم نحو الجانب المظلم لَغبنا مع الأحقاد ..
وياقلب خلك طيّب = )

أما لـ الأقدار :

دايماً بالتوحيد ناخذ أنّ الرضا بالقضاء والقدر واجب بس حنّا نحفظ من الأذن ذي ونطلع من الأذن ذي ، مافِي قناعَه قدّ ماهُو اهتمام بأننا نجاوب بالإختبار = \ .

وبهالسنه تحديداً تعلمت كثيراً عن الأقدار = )
ماقبلت بالقسم اللي أبيه ، اختبار القدرات فشل فشل ذريع ، لو إني كنت مع صديقاتي وبمدرستي كان جبت نسبه أعلى ..كل هذي مجرد أعذار عشان مانعرض نفسنا للوم والندم : \ ، مهب بس أعذار بعد اعتراض على الأقدار ، حقاً الآن أتمنّى لو يرجع الزمن فقط قليلاً لأعوض عن اعتراضاتي هذه انتاجات عظيمه ..
يُقال : " السخط عند المصيبه مصيبه أخرى "

وجينا للتخرج = ) ..

حكاية إنك يافلان كبرتْ شيء فاخر \ باذخ ..

من التخرج أنسلّ عقد الذكرى كما لو أنها هذه اللحظه ، إحساس بالمسؤليه إحساس بالكبرْ إحساس بالحزن على الصغر ، المراهقه
أماني كثيره وكبيره كما اجتماع الأصدقاء بعدَ افتراق ..
أشتقت لصديقاتي قليله حقاً، كأني أطلتُ المكوث بعيده عنهم ، وحيده بدونهم ، قد أكون تناسيتهم أحياناً لكن التخرج يعيدهم لِي فأصبح معهم ..

صديقاتي أحبكم (L)

(يا ترى نسينا قمر ليالينا

يا ترى نسينا مخابيه في دوالينا

يا ترى جفانا

و ما ذكر هوانا

و ثمر الورود البيض بملّهانا )

فيروز